Showbiz 101

Source: gmanews.tv

Masasaksihan ngayong December 10 ang isang nakatutuwa at inspiring story ng two different characters, which will be made interesting when fate plays a trick on them.

Sa press conference ng panibagong season ng SRO Cinemaserye presents: Exchange Gift, nakapanayam ng iGMA ang ating paboritong leading man na si Dennis Trillo, at pinamalas niya ang tuwa sa panibagong project niya.

"Masuwerte ako na iba't-ibang klase ‘yung mga nakukuha ko ngayon. Mapa-hosting (StarStruck), acting (Darna), comedy (Bubble Gang), kaunting drama. Suwerte!" bulalas ni Dennis sa press.

"Medyo matagal din akong hindi nagkaroon ng ganitong karaming trabaho. And dito sa industriya natin ‘pag hindi ka nakikita, nakakalimutan ka eh," dagdag niya. "So, mas maganda ‘yung nakikita ka palagi para hindi ka makakalimutan."

Tampok din sa SRO Cinemaserye presents "Exchange Gift", ang talented child actor na si Francis Magundayao, kung saan huli natin siyang napanood na gumanap bilang batang Bino sa Gagambino.

Ang Exchange Gift ay istorya tungkol sa karakter nila Francis na si EJ at ang kanyang ninong Miguel, played by Dennis, who find themselves forced to keep up with their opposite personalities as EJ's father dies unexpectedly.

Dahil dito, fate intervenes and they both find themselves sa isang sitwasyon where their bodies were switched upang bigyan sila ng leksiyon.

And for Dennis, he finds this role quite refreshing dahil being a child once more would take him back to his 'kulitan' days.

"Medyo may pagka-naughty at makulit talaga [ako] nun. Maloko ako nung bata ako eh. Marami akong mga kaibigan na naiinis din sa akin, kasi talagang pinagtri-tripan ko sila," he recalled. "Marami akong kalokohan so hindi ako nahihirapan mag-internalize bilang bata – nung nagkapalit na kami ng identity."

Reliving those days ay napakasarap para sa kanya, dahil nga he admits he still have traces of his childhood days remaining sa personality niya, he explains: "Siguro ‘yung feeling na wala kang iniisip na problema, ‘yung laro ka lang ng laro. Hanggang ngayon parang feeling ko andun pa rin somehow ‘yung pagkabata sa akin. May pagka immature pa rin naman ako minsan at nae-enjoy ko pa rin naman maglaro ng mga iba't-ibang mga bagay."

Para naman sa comic aspect ng role niya, Dennis told us that his present and previous projects have sufficiently prepared him to do this role.

"Malaking tulong ang Adik Sa'Yo 'tsaka yung Bubble Gang siyempre, mula noong napasama ako sa grupo nila, kahit papaano naka-adapt ako and nahawa ako sa kaunting talent sa pagko-comedy," declared Dennis.

"Nage-enjoy ako eh, kasi kahit na sobrang puyat ko kahapon, pag alam kong may taping ako ng Bubble Gang excited pa rin ako kasi alam ko masaya, makulit and very light lang ‘yung ginagawa naming," ayon pa sa aktor.

Siyempre, tinanong din si Dennis, sa dinami-dami ng trabaho niya ngayon, siguradong may pagod factor nang kasama ito.

Pero sinalungat ito ni Dennis. "Masaya. Actually ano eh, kahit na galing akong taping ng Darna, tapos deretso ako ng taping ng SRO, parang nae-enjoy ko siya kasi nae-enjoy ko din ka trabaho si Direk Mac (Alejandre) kasi hindi ka maliligaw sa kanya," he replied.

"Sobrang iga-guide ka niya sa eksena – sa role mo. Bawat eksena tututukan niya and sisiguraduhin niya hindi ka papabayaan – aalagaan niya bawat scene bawat shot, kaya kahit pagod ka na, at least, alam mo maganda yung ginagawa mo," pahabol niya.